سوالف أبو رضا

  ولها بقية

من أجو البعثية مال68 كَالو أحنة جينة بثورة بيضة وديمقراطية ومثل هالشعارات اللي نسمعهه هالايام ، ها يابه ، كَول وإجه محرم - معزوز عيني - ويجمعون أهل المواكب اسمك وعنوانك وأخذ اربعين دينار البعض من أخوتنة كيَّف كَال السنة أربعين دينار لكل موكب وسنة الأخره أتصير مية دينار أو أجه محرم الثاني هاي اشوكت سنة السبعين بعدهم هسه جايين ما صارلهم سنتين أو ردوا على أهل المواكب اللي سجلوا واخذوا أربعين دينار العام الماضي وإذا بيهم يبلغوهم ممنوع أتسوي لطم ؟، ممنوع أتسوي زنجيل ، وكثرت وراهه الممنوعات ، أو وصلت الحد اللي يخلي كاسيت بالسيارة أيحبسونه هسه اخوتي - أهل المواكب وأهل الأحزاب وأهل المؤسسات - ديروا بالكم منّا ورايح تكثر الممنوعات عليكم، ومثل كَولة أهلنا (( إذا هاي مثل ذيج خوش مركَة وخوش ديج )) .

عمكم ابو رضه