سوالف أبو رضا

  ولها بقية

مرت بالعراق والعراقيين تجارب أهواي وصارت ألهم خبرة بكل المجالات وعرفوا الينفعهم من الماينفعهم وعرفوا اللي يشيل الحمل من اللي مايتحمل ، وسالفتنا اليوم على " ابو معروف " جانت عنده حاجه وحاجته جانت كلفه هواي ،عاين بالوجوه اللي كَاعده بالديوان كَعد يَم واحد خله أيده وسند روحه عليه ، هذا دفع أيده اوكَام استند على الثاني هم كذلك الثالث كذلك استند على الرابع مادفع أيده، مال عليه منا مال عليه النوب ما اهتز ولا ضاج ولا دفع ايده ولا كَام ، أنّوب انتبهله كَاله كَول " ابو معروف " شعندك حاجه اتريد شي ؟ كَاله أي والله عندي حاجة ويا هو الأستند عليه يدفع أيدي ويكَوم بس انته مادفعت أيدي ولاكَمت كَاله عد عيناك بس كَول حاجتك مكَضيه باذن الله وخلصله حاجته .
هسه احنه انكَول يها الناس ديروا بالكم ، أخاف تستندون على واحد من ذوله ويكَومون بساع ،ما يتحملون ،ما تشوفوهم واعدوكم عالماي .. والماي بعده مكَطوع .. وبالدهنقواطية مدري شيسمونهه أو هم ماكو ، تره مايفيدكم غير ابن الليث الأبيض بس هو يشيل حمل العراقيين ويكَضي حاجة اليستند عليه .