سوالف أبو رضا

  ولها بقية

الامريكان ما يعرفون الشعب العراقي لا همه ولا الماشين اوياهم عبّالهم مثل أفغانستان ايطكَطكَوهم منّا يحاصرونهم منّا وانتهت السالفة حسبالهم كلهه جلده أو لو تدري سالفة كله جلده كَلت والله صحيح ايكَولون فد واحد وكَعت اموره بعد ما كان عنده خير هواي راح لواحد من الشيوخ ، شيوخ كَبل مو شيوخ هسه لان شيوخ كَبل كانوا يكرمون من جيوبهم و هسه ما يمشون وياك منّا لهنا الا تترس جيوبهم فلوس ، كَول راح كَعد بالمضيف لمن فرغ الشيخ شافة غريب كَالة اتفضل يغاتي كَول ، آمر ،عندك حاجة كَاله: اكرم عزيز قوم ذل.
كَاله اذا جنت صدكَ عزيز قوم كَلّي شنو اطيب شي بالدجاج المشوي؟ كَله جلده ،كَال الشيخ :انته صحيح عزيز ،أكرموه .
كَول اخذ زالاته اللي انطوهن اله وراح لأهله مرتاح لاكَاه صديق اله كَاله منين الك هاي الاموال ؟ فسولفله القصة كَاله خوش باجر اروح للشيخ واكَوله مثل ما أنت كَتله .
كَول ثاني يوم غبش على الشيخ وهم سأله السؤال بس هنا يختلف كَاله اذا جنت عزيز صدكَـ شنو اطيب ما بالخروف المشوي ؟
كَاله: سهله شيخنا أطيب ما بالخروف جلده !!
كَاله الشيخ انته جذاب ،انته مو عزيز قوم وطرده .
رجع لصاحبه الاولي وكَاله : الشيخ طردني ، سألني شنو اطيب ما بالخروف المشوي كَتله جلده اشو طردني .
كَاله صاحبه انته حسبالك كلهه جلده؟
هسه احنه انكَول للما يعرفون الشعب العراقي تره مو كلهه جلده.

عمكم ابو رضه