سوالف أبو رضا

  ولها بقية

ايكَولون فد واحد اشتهه سمجة وجان السمج المسكَوف أيام زمان على مطاعم خاصة بشارع ابو نؤاس فراح هو وجماعته وياه لاحد المطاعم هناك و وصّوا ابو المطعم على سمجة زينة شواهه الهم العامل وجابهه قدمهه على الميز وياهه الحباشات مالتهه وهذا بيا وكت بزمن نوري السعيد هذا صاحبنة كَام يشتم السمجة من ذيلهه ايشوف بيهه ريحة لو بعدهه تازة كَلولة ربعه شو نشوفك تشتم السمجة من ذيلهه غير اليشتم السمج من الراس خو مو الذيل ، كَاله اخوي انه اعرف ليش اشتم السمجة من الذيل ليش ما اعرف آنه ادري بالراس خايس من زمان بس اريد اعرف وصلت الريحة للذيل لو بعدهه فهسه انكَله لهذا البغدادي القديم احنه نبشرك الذيول كلهه خاست وطلعت ريحتهه السابع جار ولا تنفع شوي ولا تنفع بهارات كل خير ما بيهه وذبهه للبزونة بلكي تاكلهه وتكسب بيهه أجر .