|
                 
ولها
بقية
• كلا كلا مونيكا • عصفور يتمحجل بنخلة • |
سوالف أبو رضا
عمكم اليوم كلش ضايج ، وصاير عصبي لأن يومية يتكتلون الشباب ومحد
بهالحكومة يسويلنه حل بس فالحين بالنكَرة وبالطلايب تكول ديوجه !!
واحنه العراقيين ابتلينه بحكومة بيهه مية حزب والف مسعول !!
لا يظن واحدكم جاي انزاود على اخوتنا لو على اي عراقي لاجن واحدنه ينهضم
من يشوف هالاحزاب تتمحجل تمحجل على التيار الصدري تكول واحدهم بس يصير
بالدولة ولو بمجلس محافظة يصير مثل الفسيفس نافخ ريشه وبس تنفخ عليه تطلع
كل شجاعته ريح !!
وهاي الاحزاب تورطت كَبل ضد التيار الصدري ايام معارك النجف بس اتندمت
وعذرهم ما جان يدرون لو كلهه من وره علاوي!!
هسه هم ما يدرون !! لو هم علاوي رئيس وزراء !!
بوية تره العصفور مايهز نخلة ولا يكدر يوخرهه من مجانهه وتره النخلة
تستحي تحط عقلها ويه الزعاطيط التتمرجح مكيفة بدنياها !!
وهاي الاحزاب خلي تحط حصوة ملح بعيونها وتصير عدهه غيره على الدم العراقي
وخلي تبطل ندس وعلس للامريكان تره الامريكان مادايمين الهم ولا لغيرهم
والاصول يرجعون لاخلاق اهلهم ولدينهم ولمذهبهم اذا عدهم اصل ودين ومذهب
اما المكَطم والماعنده اصل ولا دين خلي يلم جوالاته ويلحكَ يسويله لجوء
تره الاحتلال بالنحوي بالجلفي الى جهنم وبئس المصير.
|