سوالف أبو رضا

  ولها بقية

• كلا كلا مونيكا • عصفور يتمحجل بنخلة • تدري مدري ما تدري •

سوالف أبو رضا
 

هواية ناس من يكبرون يراجعون نفسهم من الزلات !!
خاف مسوي شي موزين – لا سامح الله - بلكي يلحكّ ويصلح غلطته ويتبارى الذمة ويه الناس يريد يحسن عاقبته .
لان ما يصير الجبير يظل على غلطته دوم .
وعمكم ابو رضا زلمة شايب ورجليه بالكَبر وسيدنه السيستاني هم شايب ورجليه بالكَبر وهاي ما بيه عيب كلنه باجر عكَبة نموت ونواجه رب اسمه الكريم .
وانه وسيدنه السيستاني فد عمر وندور حسن العاقبة .
واريد اتبارى الذمة وياه !!
خاف غثيته !!
بس هو هم لازم يتباره الذمة ويه العراقيين !!
وشغلتي اهون من شغلته !!
لان هو لازم يغير من طبيعته !!
شنهي ظال دوم ظام روحه علينه !!
لا يزور امير المومنين فدوه لاسمه ، لا يصلي بالكوفة ، لا يجي للكاظم عليه السلام ...
ها ايكّول اخاف انكتل !!
جا ياهو اقرب الكاظم ع لو لندن ؟
ومدري شنهي تاليته ؟
لا يطي بيان ضد امريكا ، لا ينصر الزوار المشوا لكربلا ويكّول خطيه شنهي ذنبهم لا يمشي للحج ويه العراقيين مثل كل العلماء
لا يامر الحكومة تسوي كهرباء !!
لا يحجي ويانه تكول مغتاض من العراقيين !!
جا شيريد يظل يزور الايمة من بعد ويسلم علينا من بعد جا يا هو النه ؟ يا هو ابو بيتنه ؟ يا هو جبيرنه ؟
أي هو ما يشوف شلون ضعنه ؟ ما يسمع صريخنا ؟
ابرينه الذمة سيدنا
طبع العراقيين حامي تدري مدري ما تدري !!