|
                 
ولها
بقية
• كلا كلا مونيكا • عصفور يتمحجل بنخلة • تدري مدري ما تدري • زاير اندهرنة • |
سوالف أبو رضا
الزايرة ام رضا
هالايام هواية متابعة الاخبار
واليوم من الصبح سالتني سؤال !!
: زاير انته مو رايح للشمال وشايف سليمانية واربيل ؟
كتله :أي شايفهن !!
ردت علي وكالت : زاير شلون الماي عدهم مو زلال ؟
انه بصراحة مستعجل اريد اطلع للشغل والزايرة اكو حسبه براسهه قالقتهه
كتلهه : أي يا زايرة شتردين ؟
: ومجاري طاكه ما عدهم ؟
جاوبتهه : أي وبعدين ؟
: صبرك علي وعندي هم بعد سؤال ؟
: آمري
: زاير لا تصير عصبي جا انه شكتلك ؟
: آمري
: ما يامر عليك ظالم اسألنك على مام جلال ريس الجمهورية موش من سليمانية
؟
الصراحة ضاك خلكي وجاوبتهه : أي بعد بيتي كمت تسولفين بالسياسة آمري !!
كَالت وهي كلش مغتاضة : جا شلون الكوليرا صابت الالوف من الاكراد ؟
يكولون 16 الف بيهم كوليرا جا موالريس منهم ؟
سكتت وما جاوبتهه ولمن اجيت اطلع للشغل رجعت سالتني : جا شلون بينه
بمدينة الصدر ؟ لا ماي نظيف عدنه ومجارينه طافحة وعايشين كل اربع عوايل
فد بيت والريس مو من مدينته ؟ الله ولحد شراح يصير بينه !! زاير ....اندهرنه
!!
|