|
                 
ولها
بقية
• كلا كلا مونيكا • عصفور يتمحجل بنخلة • تدري مدري ما تدري • زاير اندهرنة • العطش كتلني ويبس حلكي • |
سوالف أبو رضا
من زمان وأهلنه
يفرحون بليالي شهر رمضان
طبعا المومن يصلي لان هذا شهر الطاعة والرحمن
والشباب يسكنون الشارع يم أبو الببسي واللفات !!
يعوضون العطش والجوع مال النهار
ويصير الليل كله حركة وبركة تكَول حسبالك نهار
ويطولون بالسهر هواي ومن ينامون اكو من يكَعدهم ابو طبيلة
ومدري ليش بشهر رمضان الظالم يفتر علينه
بزمن هدام جانت البيكب ام الدرج تفتر مثل الحيّة بالقطاعات
كل ساع صافطين يم بيت وكَامزين ماخذين الشباب
مدري شنهي عداوتهم ويه رمضان
بس هدام ولى والله خلصنا منه
ومدينة الصدر هالايام بشهر رمضان ليلهه كلش نهار !!
ليلهه تنوير مال امريكان وطيارات فوك السطوح
وعنقودي وصوتي بدل من ابو طبيلة.
أي ...
هي هاي اللي يسمونهه تنكلوجية وتطور!!
أي وانه عمكم ...
هم ردوا افتروا علينه !!
الصايم ابيته راح يكمل صيامه باجر ابوكا لو بالمطار !
لو ايصبح مفطر رايح للنجف يدفن موتاه !
لو من الليل تهجول ولم عياله شارد لغير قطاع !
لو مكَابل المستشفيات يلوب على مكان لابنه لو بته لو مرته
لو ظل يلطم على سيارته المحتركَة
ومايدري باجر شلون يطلع للشغل وشيشتغل
هاي عيشتنه بشهر رمضان
اشتعل ابو صدام وابو بوش على هالعيشة !!
وما اريد اوسع النار والحليم تكفيه الاشارة
ولكم كافي ولكم بسعاد
تره العطش كتلني ويبس حلكَي. |