|
الحجي
رئيس التحرير اجاني للبيت وهو طاير من الفرح وكّال :ابشر أبو رضا رجعّنا
الجريدة !!
ابرك
الساعة – عمي - صار فترة طويلة نريده يقنع يرجع الجريدة وما يقبل قافل !!
وطبعا
ما فاتتني اسأله : جا وينهه الجريدة شو ما شفتهه بصلاة الجمعة ؟
الحجي
كَال : عمي ابو رضا الجريدة رجعت بس كترونية !!
كَتله
وانه ميت من الضحج : يعني شنو كترونية على الكهربا بويه سويتهه ؟
الحجي
كَعد يشرحلي الجريدة مو على الورق لا على الكمبيوتر
كتله :
وشلون نقراهه هسه مالازم نكتب بيهه ؟ وطبعا انه ما عندي كمبيوتر
كَال :
نشتريلك كمبيوتر
أي
وبعدين ؟
نأجر
خط مال ترنيت وتقراهه وتكتب بيهه وتراسل ...
أي
وبعدين ؟
ظل
الحجي يشرح ويعيد شلون سووهه وشلون ينرادلي اتعلم وانا ساكت ، ولمن خلص
حجيه باوعلي وكَال : عمي جن اكو حسبة براسك شكو ؟
كتله
:ابن اخوي هذا الكمبيوتر مالتك والترنيت بيش يشتغلن ؟ جا مو يراندلهن
كهرباء ؟ لو يشتغلن بصخام المالجي ؟
وكَبل
ما يرد ويكَول اشتريلك مولدة زغيرونة كَتله : عود حجي انته الزم سره على
البانزين وظل اسمع سوالف الناس عل البحارة ...
بعد
ابو رضا ما يفيدك !!!!
لو
اكَلك الاحسن اضرب السرة وفوت بالواسطة وانته واسطتك كترونية !!
|
